Kvammasprinten 2014Med fantastisk dugnadsånd og positiv innstilling, klarte me på laurdag å arrangere Kvammasprinten og KM i Sprint under krevjande tilhøve. Starten for 114 deltakarar var flytta til standplass og målgang var flytta til svingen før standplass.

 

 

Eg var ein stolt leiar av Kvam Lsk før, men eg må tilstå at eg er meir stolt etter rennet på laurdag. Eg bøyer meg i snøen og seier tusen takk til:

  • Geir, Einar, Terje og Per Ove for å lage til løypene om fredagen – til og med i nye trasé
  • Marta og Synnøve for vel gjennomført påmelding og skriving på flip-over i blæst og regn
  • Tore, Rune, Geir, Thor-Arvid, Ingmar, Oddvin og Asgaut for rigging av løyper og kontinuerlig vøling, påfylling av snø, salting og mykje meir
  • Jakob og Einar for full kontroll på start
  • Isak for skriving av målpassering og Malin som proff målfotograf
  • Sissel for effektiv førstehjelp i skihytta
  • Unni, Sissel, Marta og Synnøve for vel gjennomført premieseremoni
  • Gunn Hilde for engasjert speakertjeneste på OL-nivå både inne og ute
  • Jostein for full kontroll på tidtaking, samansetting av nye heat og resultatservice
  • Britt, Mari og Pernhild for kafedrift med kaffekoking, vaffelsteiking og sal av godsaker
  • Nils for som vanleg god kontroll på parkeringsplassen

Håper ikkje eg har gløymt nokon då. Oppramsinga synar at det å arrangere skirenn ikkje er noko «walk-over». I sær når tilhøva er så krevjande som dei var. Då gjer ikkje ting seg sjølve. Når alle bidreg vert resultatet bra. Om ikkje me flytta fjell saman på laurdag, så flytta me i alle høve mykje snø, utstyr, og mykje anna som gjorde at me fekk i havn rennet på ein etter tilhøva flott måte.

Igjen – tusen takk for innsatsen alle saman!