- Ein stor og flott gjeng samla på skistadion på Geilo
34 store og små var samla i helga på snø på Geilo. Ei flott samling med mange høgdepunkt i programmet anten ein talar om resultat, trening eller sosialt samvær. Bilete viser ein flott gjeng på skistadion klar for trening, leik og moro.
Bjørg-Marit Valland leia skytetreningane med bistand frå Kristin Sande om fredagen, medan Amund Leiren, Thomas Mælen og Gunn Hilde Øymo leia skitreningane. Her var det mykje leik og moro kring balanse og teknikk både i sporet og på skytebana. Laurdag arrangerte me eit uformelt renn i lag med Nordhordland Skiklubb – fellesstart delt inn i tre aldersgrupper. Dei yngste gjekk 1,5 km, dei mellomste 3,6 km og dei eldste 7,2 km. Kjekt med startnummer på seg igjen var det mange som sa. Løparane våre gjorde det verkeleg skarpt og var stort sett hakket vassare enn løparane frå Nordhordland.
Me budde i leiligheter på Øen Turist og Vandrerhjem. Om laurdagskvelden var me samla i storstova der det var premieutdeling frå rennet. Isak Børve varta opp med Kahoot-gissetevling og Kristin Gjøsæter fylgde opp med ei «analog» gissetevling. Verdige vinnarar vart feira og premiert. Pakkaleik vart det og.
Neste år er det mogeleg for fleire å bli med på dette!
- Bjørg-Marit varmar løparane opp med «skihandballrugby»!
- Marta Mo, Kjersti Berg Leiren og Mari Børve Rasmussen er særs nøgd med løpa sine.
- Hanna Børve og Eirin Tufteland er spente før start
- Vebjørn Kveberg og Ingmar Leigland Njaa tek seg godt av Hanna Børve etter målgang
- Sindre Gjøsæter tjuvtrenar på ståande skyting – 5 rett ned vart det ôg!
- Stafett ei ei kjekk øving for skiskyttarane. Her går starten på standplass med Mari Børve Rasmussen, Thea Øymo Mælen, Eirin Tufteland og Hanna Børve i kraftige stavtak.
- Johanna Mo er vel nøgd og vel blåst etter 2 x 3,6 km kappleik med løparar frå Kvam LSK og Nordhordland Skiklubb
- Hanna gjekk rett i tet og slapp ingen føre seg før målgang i mellomste aldersgruppe.
- Gutta frå Kvam LSK klar til start – frå venstre Endre Berg Leiren, Tor Børve Rasmussen, Anders Aalvik Stranden og Gaute Øymo Mælen
- Kahoot = nymotens gissetevling
- Nokon måtte vinne til slutt på Kahoot-tevlinga. Gull til familien Berg Leiren og Øymo Mælen.
