Ingvild Lilletvedt Kvåle (11) og Kristin Sande (16 – bilete til venstre) hevda seg særs godt i konkurranse med dei beste utøvarane i landet under Bendit Liatoppen Skiskyttarfestival i helga. Det vart to sterke 3. plass på jentene!
Arrangementet på Ål samla heile 1150 deltakarar opp til 16 år frå heile landet. På mange måtar skiskyttarsporten sitt svar på Norway Cup. Kvam Lsk deltok med 11 løparar. Fredag var det stafettar der me hadde to reine klubblag og to lag der me hadde med ein løpar frå eit anna lag for å kunne stille lag. Best var Mix 13-16 år med Hanna Børve, Kristin Sande og Sindre Gjøsæter med ein 12. plass.
Laurdag var det individuell start der Ingvild (bilete over) og Kristin tok kvar si sterke 3. plass i skarp konkurranse med de beste utøvarane i landet. Ingvild skaut feilfritt og Kristin fekk ein runde. Eg må berre ta av seg skilua for desse jentene. Dette er verkeleg sterke resultat! Sundag vart det ein 13. plass på Ingvild og ein solid 7. plass til Kristin. Sindre Gjøsæter gjekk inn til ein flott 20. plass sundag i den store og sterke Gutar 15 års klassen. Det var tett i denne fellesstarten og Sindre hevda seg særs bra. To av utøvarar skaut feilfritt under heile festivalen. Anders Aalvik Stranden og Ingvild Lilletvedt Kvåle skaut 25 skot utan å bomma på eit einaste eit. Utruleg bra! Det er ôg god grunn til å heidra alle dei andre løparane for å skutt og gått det dei makta der og då. Sjølv om ein ikkje alltid får kantskota inn eller har den beste glida, så skorta det ikkje på vilje og tæl til å gå gode løp. Her er det mykje fin ungdom!
Liatoppen Skiskyttarfestival er eit flott arrangement for både store og små. Me var ein fin gjeng som gleda oss stort over flinke utøvarar og godt sosialt samvær. Rett og slett ei kjekk helg som kan anbefalas på det varmaste.
Resultat laurdag og sundag med skyteresultat i parentes
Gutar 11 år Gaute Øymo Mælen 69 (2-3) 79 (3-4)
Gutar 12 år Anders Aalvik Stranden 30 (0-0) 23 (0-0)
Gutar 12 år Morten Aalvik Kvåle 74 (2-2) 62 (2-0)
Gutar 13 år Tor Børve Rasmussen 71 (1-3) 69 (3-2)
Gutar 15 år Sindre Gjøsæter 29 (1-3) 20 (1-0)
Jenter 11 år Ingvild Lilletvedt Kvåle 3 (0-0) 13 (0-0)
Jenter 11 år Vilde Lunde Aalvik 31 (0-0) 41 (2-1)
Jenter 13 år Hanna Børve 64 (4-4) 61 (3-4)
Jenter 14 år Camilla Lunde Aalvik 43 (1-3) 48 (3-3)
Jenter 14 år Eirin Tufteland 49 (1-4) 44 (3-4)
Jenter 16 år Kristin Sande 3 (1-0) 7 (2-0)
Nybeg <11 år Thea Øymo Mælen
Nybeg <11 år Mari Børve Rasmussen