Ingrid Brattabø møter to av sine idol 🙂 Sprintarane Ingvild Flugstad Østberg og Maiken Caspersen Falla!
Sommarens høgdepunkt for mange utøvarar i Kvam LSK er BLINK-festivalen i Sandnes. 12 utøvarar har i 27-30.juli delteke i langløp i langrenn, motbakkerenn i Lysebotn, sprintlangrenn, skiskyting kvalifisering, sprint og fellesstart. Dei har konkurrert i same trasèar som nasjonale og internasjonale stjernar. Jakt på stjerner for sjølfie og autografar er sjølvsagt på BLINK 🙂
Onsdagen deltok Tobias Græsdal Pedersen i klassen for gutar 15-16 år i nyvinninga BLINK-Classics som er eit langløp 60 eller 17 km renn i klassisk stil frå Ålgård til Sandnes.
Tobias G. Pedersen på startstreken i langløpet BLINK classics som for gutar 15-16 år var på 17 km.
Torsdagen deltok både skiskyttarar og langrennsløparar på motbakkerennet Lysebotn Opp, som er eit 1, 2 eller 7,5 km langt motbakkerenn der bakkane held 10 % stigning heile tida!!! Ådne Kjosås kom seg raskt opp 1 km, mens Teodor Græsdal Pedersen, Brage Mo Vines, Gaute Øymo Mælen, Anders Aalvik Stranden og Tobias Græsdal Pedersen sleit seg opp 2 km med motbakke. Dei tøffaste var junior Eirin Tufteland (første gang på Lysebotn Opp) og senioren Erling Aalvik som starta heilt nede i Lysebotn og sleit seg opp 650 høgdemeter fordelt på 7,5 km!!
Eirin Tufteland var tøff og tok utfordringa med å gå same trasè som dei vaksne (7,5 km løypeleng og 650 m stigning)!
Fredag og laurdag vart det konkurrert i Sandnes sentrum der det var laga ein 1 km lang rundløype. Kvalifisering og kvartfinaler i sprintlangrenn vart gjort unna fredagen der dessverre ingen frå Kvam LSK gjekk vidare til laurdagens semifinaler og finaler. I skiskyting var det også kvalisering for dei yngre fredag formiddag, mens senioren Erling Aalvik gjekk kvalifisering og fellesstart finale fredag ettermiddag og kveld. Både Anders Aalvik Stranden, Hanna Børve og Eirin Tufteland kvalifiserte seg til laurdagens finaler for aldersbestemte klassar.
Ådne Kjosås i full fart under laurdagens fellestart i langrenn for gutar 10 år!
Laurdagen gjekk Ådne Kjosås fellestart langrenn i sprintløype og gjorde det bra! Finalane i skiskyting vart særs spennande! Anders Aalvik Stranden tok ein flott 3.plass i finalen for gutar 15 år etter å ha vore tidvis på 2.plass i rennet. I den TV-sendte finalen for jenter 16 år var spennande heilt inn på oppløpet der Hanna Børve spurta med to andre jenter om 3.plassen. Eirin Tufteland fekk dessverre ein tung start i sin finale med 5 bom i eit meget sterkt startfelt på 12 stk. og makta ikkje å ta inn det tapte. Seinare på dagen kvaliserte senioren Erling Aalvik seg til ein ny finale gjennom å vinne sin semifinale. Det gjekk ikkje så bra i finalen og Erling enda på 10.plass.
Senioren Erling Aalvik under fredagens fellestart der han enda på 11.plass!
Det kjekke med BLINK-festivalen utanom å delta sjølv er at ein får sjå på at eliten også konkurrerar på kveldstid, samt at ein får moglegheiten til å treffa på desse stjernane 🙂 Det er også kjekt at Kvam LSK har ein seniorutøvar som også slår frå seg i dette selskapet!
Under ser du helgas resultat frå både langrenn og skiskyting, samt fleire bilete 🙂
Resultat rulleski langrenn
| Renn | Namn | Distanse/stil | Klasse | Tid | Plassering | Tid etter |
| Blink classic | Tobias Græsdal Pedersen | 17 km klassisk langrenn | 15-16år | 00:57:58 | 29 | 00:12:33 |
| Lysebotn Opp | Ådne Kjosås | 1 km fristil | 10 år | 00:07:21 | – | – |
| Lysebotn Opp | Teodor Græsdal Pedersen | 2 km fristil | 12 år | 00:15:56 | 27 | 00:05:13 |
| Lysebotn Opp | Brage Mo Vines | 2 km fristil | 12 år | 00:16:15 | 30 | 00:05:32 |
| Lysebotn Opp | Gaute Øymo Mælen | 2 km fristil | 13 år | 00:13:38 | 13 | 00:03:19 |
| Lysebotn Opp | Anders Aalvik Stranden | 2 km fristil | 15 år | 00:11:57 | 14 | 00:02:17 |
| Lysebotn Opp | Tobias Græsdal Pedersen | 2 km fristil | 15 år | 00:12:25 | 22 | 00:02:45 |
| Lysebotn Opp | Eirin Tufteland | 7,5 km fristil | 17 år | 01:05:10 | 9 | 00:20:54 |
| Lysebotn Opp | Erling Aalvik | 7,5 km fristil | Senior elite | 00:32:17 | 53 | 00:04:15 |
| Blink langrenn | Ådne Kjosås | 1 km fellestart sprint fristil | 10 år | – | – | – |
| Blink langrenn | Teodor Græsdal Pedersen | 1 km sprintprolog fristil | 12 år | 00:02:25,84 | 22 | 00:00:20,76 |
| Blink langrenn | Sondre Brattabø | 1 km sprintprolog fristil | 12 år | 00:02:29,29 | 27 | 00:00:24,21 |
| Blink langrenn | Brage Mo Vines | 1 km sprintprolog fristil | 12 år | 00:02:49,28 | 42 | 00:00:44,20 |
| Blink langrenn | Ingrid Brattabø | 1 km sprintprolog fristil | 14 år | 00:02:15,78 | 20 | 00:00:11,71 |
| Blink langrenn | Tobias Græsdal Pedersen | 1 km sprintprolog fristil | 15 år | 00:02:00,98 | 41 | 00:00:16,44 |
| Blink langrenn | Sondre Brattabø | 1 km sprint kvartfinale fristil | 12 år | 00:02:24,78 | 7 | 00:00:15,48 |
| Blink langrenn | Teodor Græsdal Pedersen | 1 km sprint kvartfinale fristil | 12 år | 00:02:24,89 | 8 | 00:00:15,59 |
| Blink langrenn | Brage Mo Vines | 1 km sprint kvartfinale fristil | 12 år | 00:02:46,07 | 11 | 00:00:40,49 |
| Blink langrenn | Ingrid Brattabø | 1 km sprint kvartfinale fristil | 14 år | 00:02:12,14 | 6 | 00:00:13,16 |
| Namn | Program | Klasse | Tid | Plassering | Tid etter | Skyting |
| Gaute Øymo Mælen | Kvalifisering | G 14 år | 00:11:53 | 23 | 00:02:17 | 2 – 4 |
| Anders Aalvik Stranden | Kvalifisering | G 15 år | 00:10:01 | 9 | 00:00:59 | 1 – 3 |
| Hanna Børve | Kvalifisering | J 16 år | 00:09:06 | 2 | 00:00:30 | 0 – 1 |
| Eirin Tufteland | Kvalifisering | K 17 år | 00:13:37 | 10 | 00:03:28 | 3 – 4 |
| Sindre Gjøsæter | Kvalifisering | M 18 år | 00:09:42 | 19 | 00:01:45 | 3 – 3 |
| Anders Aalvik Stranden | Finale | G 15 år | 00:09:14 | 2 | 00:00:20 | 3 – 1 |
| Hanna Børve | Finale | J 16 år | 00:09:02 | 4 | 00:00:07 | 1 – 1 |
| Eirin Tufteland | Finale | K 17 år | 00:12:33 | 12 | 00:03:23 | 5 – 1 |
Tobias G. Pedersen på oppløpet i Sandnes sentrum etter 17 km klassisk rulleskirenn i sprutregn!
Gaute Øymo Mælen med en pangstart på det 2 km lange motbakkerennet i Lysebotn Opp.
Teodor G. Pedersen i fint driv i motbakkrennet Lysebotn Opp.
Tobias G. Pedersen har fått heng opp siste sving 200 meter før mål i Lysebotn Opp.
Anders Aalvik Stranden jobber hardt i dobbeldans mellom hårnålssvingane i Lysebotn Opp.
Teodor G. Pedersen møtte sitt store idol Petter Northug jr. i Lysebotn 🙂
Ingrid Brattabø på vei inn til 20.plass under sprintprologen i langrenn jenter 13-14 år, noko som gav plass i kvartfinalen.
Brage Mo Vines spurtar inn til mål under sin sprintprolog i klassen gutar 11-12 år.
Teodor G. Pedersen jobbar hardt for å koma inn til ein god tid i sin sprintprolog langrenn i klassen gutar 11-12 år.
Brage Mo Vines i fin dobbeldans i sitt kvartfinaleheat for gutar 11-12 år i langrenn.
Sondre Brattabø gir alt på oppløpet i sin sprintprolog i klassen gutar 11-12 år!
Ingrid Brattabø jobber hardt i kvartfinalen i 1 km langrennssprint!
Tobias set foten fram i sin sprintprolog i langrenn i klassen 15-16 år!
Sindre Gjøsæter ut frå skyting under fredagens kvalifisering i skiskyting for menn 18 år.
Eirin Tufteland roer ned på veg inn til skyting under laurdagens finale i skiskyting for kvinner 17 år.
Anders Aalvik Stranden på veg ut av siste strafferunde i fullt driv under laurdagens finale i skiskyting i klassen gutar 15 år.
Anders Aalvik Stranden tar ein «Northug» og går sidelengs over målstreken vel nøgd etter 3.plass i finalen i skiskyting for gutar 15 år 🙂
Hanna Børve kniver om posisjonar ut frå start i den TV-sendte finalen i skiskyting for jenter 16 år!
Hanna Børve i sluttspurten om 3.plassen i den TV-sendte finalen i skiskyting sprint for jenter 16 år. Dessverre så vart jenten heilt til høgre for sterk i spurten og Hanna enda på 4.plass!
Gutebanden frå Kvam LSK er nøgde med at alle kom vidare til kvartfinalen i langrenn i klassen i gutar 11-12 år 🙂 Frå venstre Sondre Brattabø, Brage Mo Vines og Teodor Græsdal Pedersen.
Blinkfestivalen er ikkje berre slit! Her treffer Eirin Tufteland frå skilandslaget i langrenn 🙂 Sjur Røthe frå Voss er vane med å kle seg etter vèret!
Det er ikkje tvil om kven som er helten i langrennsleiren! Brage Mo Vines møter Petter Northug jr 🙂
Gaute Øymo Mælen med skiskyttarstjerna Tirill Eckhoff 🙂
Thea Øymo Mælen møtte langslagssprinter i langrenn Maiken Caspersen Falla 🙂