2015_01_31 Kvalfoss sprinten_Anders og Hanna i Holmenkollen

Hanna og Anders skin om kapp med sola etter fantastisk flott innsats i Holmenkollen.

Hanna Børve knalla til og gjekk inn til ein framifrå 2. plass under laurdagens sprint i Holmenkollen under Bendit KvalfossSprinten. Dette er eit årevis arrangement som samlar særs mange skiskyttarar frå 13 år til 16 år. Med 10 treff av 10 morgeleg og god fart i sporet gjekk Hanna inn til 2. plass i jenter 14 år 15 sekunder etter vinnaren Camilla Hals frå Try IL. Det var 60 deltakarar i klassen til Hanna. I konkurranse med 85 andre løparar gjekk Anders Aalvik Stranden seg inn til ein kjempeflott 5. plass i gutar 13 år etter 3 strafferundar.

2015_01_31 Kvalfoss sprinten

Flotte representantar for Kvam Lsk samla på Thon Hotel Panorama i Oslo. Rad 1: Hanna, Eirin, Camilla og Nina. Rad 2: Sindre, Håvard, Anders og Johannes. Rad 3: Kristin, Anita, Asbjørn og Geir. Rad 4: Sissel, Isak, Nils Eivind og Olav

Sundag under normalprogrammet var dei nok ikkje like nøgde som om laurdagen. Anders vart nr. 18 med 5 bom, og Hanna var nr. 21 med 4 bom. Sindre Gjøsæter som sist helg tok sylv i Vestlandsmeisterskapen i Volda, hadde ikkje heilt den same flyten i Oslo. 24. plass laurdag på sprinten med 3 bom og sundag vart det plass nr 50 etter 5 bom. Eirin Tufteland og Camilla Lunde Aalvik deltok i jenter 14 år. Laurdag ble det 36. plass på Eirin med 4 strafferunder medan Camilla slo seg inn på 43. plass også ho med 4 strafferuner. Sundag vart Eirin nr 43 med 8 bom og Camilla tok plassen etter med 5 bom.