God deltaking på Samnangerrennet med fleire klassesigrar og pallplassar!

Eirik Bratta (foran) og Askil Huse klar til start! (Foto; Kjersti Brattabø)

Sundag 14. januar arrangerte Samnanger IL det tradisjonsrike Samnangerrennet i klassisk i Totræna vinterpark. Kvam LSK deltok med heile 17 deltakarar i alderen 7-50 år!

I seniorklassen deltok dei sporty og spreke karane Amund Leiren og Knut Njaa der var 10 km i distanse. Amund klokka inn på 5. plass 2:24 bak vinnar Torbjørn Småland, men kanskje viktigast av alt så kom han 2:25 foran broren Ståle. Knut på 50 år (!) enda på 11. plass 5:08 bak vinnaren. Bra jobba karar!

Ingmar Leigland Njaa på 2.plass (Foto: Knut Njaa)

I juniorklassane deltok Ingmar Leigland Njaa og Endre Berg Leiren. I klassen for menn 19-20 år enda Ingmar på ei flott 2. plass, mens Endre enda på 7. plass i klassen 17 år.

I ungdomsklassen deltok Tobias Græsdal Pedersen, Ingrid Brattabø, Marta Mo, Sondre Brattbabø og Teodor Græsdal Pedersen. Sykjenparet Ingrid (J15) og Sondre(G15) vann begge i sine klassar. Gratulerer! Tobias (G16) enda på 8.plass, Marta (J14) enda på 6.plass og Teodor (G13) enda på 9.plass. Flott innsats av desse hardtjobbane ungdommane!

Ny siger til Ingrid Brattabø i klassen for jenter 15 år! (Foto: Kjersti Brattabø)

Siger til Sondre Brattabø i klassen for gutar 13 år! (Foto Kjersti Brattabø)

I dei yngre klassane vart det også gått fort på ski. Jarand Valland Tveit klokka inn på ein flott 3. plass i klassen gutar 12 år, mens Ådne Kjosås stakk av med sigeren klassen for gutar 11 år. Gratulerer begge to!

Elles deltok også Eirik Brattabø (G10), Askil Huse (G9), Emma Elida Langesæter Bjørkvall (J9), Tomas Græsdal Pedersen (G8), Ylva Huse (J8) og Kristin Brattabø (J8). Det stor skiglede og flott innsats i desse klassane!

Resultatliste:

Fleire bilete: