Skirenn er for alle og veldig kjekt å vere med på!
Sundag, 7. februar arrangerer Bulken IL krinsmeisterskap i friteknikk på Dalane skianlegg. Kvam LSK har pekt ut dette rennet som eit fellesrenn der me freistar å reise mange i lag. Me inviterer alle unge medlemmar i klubben til å vera med 🙂 Rennet startar kl. 13:00, og det vert konkurrert i både jente- og guteklassar frå 8 år og opp med rangering frå 11 år. Krinsmeistarar vert kåra frå og med 13-årsklassen.
Har du lyst å bli med? Det er veldig kjekt å delta og det er fine premiar i vente. Me arrangerer felles avreise frå parkeringsplassen fram for Tunet i Øystese kl.10:30. Ta kontakt med Thor-Arvid Pedersen på e-post (toffis@icloud.com) eller telefon (932 04 417) om de har spørsmål om rennet eller trengs tips til smørjing.
Sjå lenkje for meir informasjon om rennet klikk her:
Me vonar mange nye og kjente fjes vert med på renn på Bulken 🙂
Påmelding kan du gjere via Minidrett innan torsdag, 4. februar kl.23.59. Det er også mogeleg å melde på løparar på renndagen innan kl.1200. Når du loggar deg på MinIdrett så klikkar du på påmelding, skriv inn «BKK-Bulkarennet» i søk-feltet og vips der kjem rennet fram. Vel utøvaren din(e) og meld på. Klubben dekker påmeldingsavgifta!
Vel møtt!