Kva med å gje ei gåve som kan nyttast året rundt og som både er sprek og sunn? Då er du ôg med på å støtte opp om drifta og utviklinga av anlegget og aktivitetane på Sjusete! Det er nett som Kinder-egg; 3 ynskje på ein gong!
Årskort er no klar for sal!
Prisar for løype- og parkering 2016 er:
Årskort kr. 1.000,- (tidsrom 1.11 – 31.10)
Dagskort kr. 75,- (tidsrom 1.11 – 30.04)
Dagskort kr. 40,- (tidsrom 1.5 – 31.10)
For avgifta får du brøyta parkering og flotte løyper i eit nydeleg terreng som ligg klare til bruk både sommar og vinter. Her finn du konkurranseløyper, skiskyttaranlegg, lysløype og nypreparerte turløyper heile vintersesongen. Sommarstid kan du nytta rulleskibanen, 3 km grusa trimløype og flotte turstiar.
Det er Sjusete Skisenter og Kvam Lsk som har opparbeida, utvikla og driftar parkeringsplassen og løypenettet inklusiv den nye rulleskiløypa og 3 km tur-/joggeløypa. Me jobbar mykje dugnad for å dekkja utgiftane til drift, utbygging og til aktivitet, men me er heilt avhengig av inntekter frå sal av løype- og parkeringskort for å oppretthalde tilbodet. Difor vonar me om at alle har ei positiv haldning til avgifta – sommar som vinter.
NB! Betalingsautomat ved starten av P-plassen
Betal med kort og kjøp løype- og parkeringskort i automaten som er plassert med ein gong du kjem inn på parkeringa på Sjusete. Laminert løype- og parkeringskortet kan hentast mot kvittering frå automat hjå Mo Sport, Kvam Elektro eller i kafèen i Skistova i opningstida. Årskort eller kvittering for dagsparkering leggast godt synleg i frontruta på bilen for kontroll.
Det er ôg mogeleg å kjøpe årskort kontant hjå Mo Sport, Kvam Elektro eller i kafèen i Skistova.